Log in

E-mail:
Password:
Remember me

Lost Password?

No account yet? Register

View Announcements

ბათუმის ნავთობტერმინალმა კიდევ ერთი აღიარება მოიპოვა - სტანდარტი IშO/თშ 29001:2010

Lali Javakhia |  Read Announcements

Head of Marketing Department | Partner  |  The FINANCIAL | Intelligence Group  |  Profile Type: C

View full profile  |  Date 20/06/2012 14:35

View Description

Category: Press release
Date: 20/06/2012 14:35

შპს “ბათუმის ნავთობტერმინალი” გახლავთ პირველი კომპანია საქართველოში, რომელმაც სასერთიფიკაციო ორგანო “Bureau Veritas Certification Ukraine Ltd” -ის მიერ გაიარა სერტიფიცირება საერთაშორისო სტანდარტის ISO/TS 29001:2010 მოთხოვნათა შესაბამისობაზე.

2012 წლის 11-დან 15 ივნისის ჩათვლით ბათუმის ნავთობტერმინალში სასერტიფიკაციო ორგანო “Bureau Veritas Certification Ukraine Ltd” -ის წამყვანმა აუდიტორებმა ჩაატარეს სასერტიფიკაციო აუდიტი საერთაშორისო სტანდარტის ISO/TS 29001:2010 – “ნავთობის, ნავთობქომიური და აირის მრეწველობა. ხარისხის მენეჯმენტის სპეციფიკური სექტორი. მოთხოვნები პროდუქციისა და მომსახურების ორგანიზაცია-მომწოდებლებისადმი“ მოთხოვნათა შესაბამისობაზე.

კომპანიის ერთ-ერთ ძლიერ მხარედ წამყვანმა აუდიტორებმა დაასახელეს: კომპეტენტური პერსონალი, მართვადი პროცესები, პერსონალის ჩართულობა მენეჯმენტის ინტეგრირებულ სისტემაში, კომპანიის მუდმივი სწრაფვა სრულყოფისაკენ.

კომპანიის გენერალურმა დირექტორმა ბატონმა ტემირხან აბდიროვმა აღნიშნა: “ჩვენი კომპანია პირველად გავიდა აღნიშნული სტანდარტის სერთიფიცირებაზე. ჩვენ პასუხს ვაგებთ ჩვენი სამუშაოს ხარისხზე და მივისწრაფვით ჩვენი საქმიანობის ეფექტურობისა და შედეგების მუდმივი გაუმჯობესებისკენ. ჩვენ დავნერგეთ მენეჯმენტის ინტეგრირებული სისტემა ყოველი პროცესის დონის ამაღლების მიზნით. მინდა მადლობა გადავუხადო ჩვენი კომპანიის თანამშრომლებს და მივულოცო მათ ახალი მიღწევა. ჩვენი კომპანიის წარმატება საწარმოს ყველა თანამშრომლის გუნდური მუშაობის შედეგია”.

დამატებითი ინფორმაცია: ბათუმის ნავთობტერმინალი სერთიფიცირებულია საერთაშორისო სტანდარტების ISO 9001:2008, ISO 14001:2004, OHSAS 18001:2008 მოთხოვნათა შესაბამისობაზე. ბათუმის ნავთობტერმინალი გახდა პირველი კომპანია საქართველოში და მეორე სასერთიფიკაციო ორგანო “Bureau Veritas Certification” -ის ისტორიაში, რომელმაც ერთდროულად წარმატებულად გაიარა სერტიფიცირება აღნიშნულ სამ სტანდარტზე. კომპანიაში ფუნქციონირებს ორი ლაბორატორია, რომლებიც აკრედიტებულია საერთაშორისო სტანდარტის ISO/IEC 17025:2010 მოთხოვნათა შესაბამისობაზე.



Design built by Creo Group